किराना पसलबाट लागूऔषध बिक्री, लागूऔषध बेचबिखन गरेको आरोपमा एक जना पक्राउ

काठमाडौं- किराना पसलमा अवैध लागूऔषध बेचबिखन गरेको आरोपमा सशस्त्र प्रहरी बलको टोलीले एक जनालाई पक्राउ गरेको हो ।

पक्राउ पर्नेमा वीरगञ्जको प्रगतिनगरका राजाराम महतो कोइरी हुन् । प्रस्तावित सीमा सुरक्षा गुल्म वीरगंजबाट सशस्त्र प्रहरी नायव उपरीक्षक सुरज रिजालको कमाण्डमा खटिएको नं। १३ गण पर्सा, बिओपी सिर्सिया र वीरगंज भन्सार कार्यालयको संयुक्त टोलीले उनलाई पक्राउ गरेको छ ।

वीरगञ्ज–३ प्रगतीनगरमा उनले सञ्चालन गरेको सृष्टि किराना जेनरल स्टोरबाट लागूऔषध बरामद भएको हो । पाँचवटा कार्टुनमा अवैध रुपले भण्डारण गरी राखिएको एक लाख ५१ हजार ८६० क्याप्सुल ट्रमाडोल हाइड्रोक्लोराइड नामक लागूऔषध बरामद भएको छ । स्टोर संचालक कोइरीलाई समेत वीरगंज भन्सार कार्यालय अगाडीबाट सशस्त्र प्रहरी बलले हिरासतमा लिएको छ । हिरासतमा लिइएका कोइरीलाई बरामद लागूऔषधसहित आवश्यक कारवाहीको लागि प्रहरीलाई बुझाइएको सशस्त्रले बताएको छ ।