८ महिनापछि हलमा फर्किएका सौगातलाई हेर्न दर्शक नै आएनन्

नायक सौगात मल्लको कुनै समय महिनैपिच्छे फिल्म रिलिज हुन्थे । तर, अहिले उनले फिल्ममा काम गर्ने संख्य घटाएका छन् । जसकाकारण, उनको फिल्मको रिलिजको संख्या पनि घटेको छ ।

सौगातको गत बर्षको चैत्र ३० गते फिल्म ‘रेड सुटकेस’ रिलिज भएको थियो । तर, पौषको ५ गतेबाट उनी अभिनित फिल्म ‘बमबहादुर’ हलमा लाग्यो ।

यो फिल्म हेरेर दर्शकले आफूलाई महशुश गर्ने दाबी पनि सौगातले गर्दै आएका थिए ।

तर, यो फिल्म हेर्न हलमा दर्शक नै आएनन् । शुक्रबार र शनिबार हलमा दर्शकको उपस्थिती न्यून भएपछि अधिकांश हलबाट यो फिल्म आइतबारदेखि हटेको छ । केही हलमा पनि न्यून शो छ ।

दार्जिलिङको कथा रहेको यो फिल्मलाई दर्शकले खासै वास्ता गरेनन् । जसकाकारण, ८ महिनापछि हलमा फर्किएका सौगातका लागि फिल्मको असफलता नमिठो पाठ सिकाएर गएको छ ।

जोन राइको निर्देशनमा तयार भएको यो फिल्मले पौषको चिसो मौसमलाई पनि तताउन सकेन । अब, सौगातको दर्शकले नयाँ फिल्म ‘बलिदान’ हेर्न पाउनेछन् ।