किन गरियो अल्लु अर्जुनको घर बाहिर तोडफोड ?

दक्षिण भारतीय नायक अल्लु अर्जुनको घर बाहिर तोडफोड भएको छ । उनको घर बाहिर तोडफोड गर्ने ८ जनालाई प्रहरीले पक्राउ गरेको छ ।

अल्लुको हैदराबादस्थित घर बाहिर तोडफोड भएको थियो भने केही यूवाहरु उनको घर भित्र पस्ने कोशिशमा थिए । प्रहरीले रोकेपछि उनीहरुले अल्लुको घर बाहिर राखिएको फूलका भाँडाहरुमा तोडफोड गरेका छन् । यस्तै, उनीहरुले अल्लुको घरमा गोलभेँडा फालेको भारतीय मिडियामा उल्लेख छ ।

डिसेम्बर ४ तारिखमा हैदरावादमा फिल्म ‘पुष्पा २’को प्रदर्शनका क्रममा भागदौड भएको थियो । सो भागदौडमा एक जना महिलाको निधन भएको थियो । यस्तै, उनका छोरा पनि उक्त भागदौडमा गम्भिर घाइते भएका थिए । यसपछि, प्रहरीले अल्लुलाई पक्राउ समेत गरेको थियो ।

घर बाहिर आक्रामक हुनुपुर्व अल्लुले सामाजिक संजालबाट सबै फ्यानलाई जिम्मेवारीपूर्वक आफ्ना भावना व्यक्त गर्न अपिल गरेका थिए । उनले, कुनै पनि प्रकारको अपमानजनक भाषा प्रयोग नगर्न पनि आग्रह गरेका थिए । उनले, कसैलाई दुव्र्यवहार नगर्न अपिल गरेका छन् ।

यो फिल्मले विश्व बजारमा आक्रामक कमाई गरिरहेको छ । तर, अल्लुले यो सफलताको सेलिव्रेशन गरेका छैनन् ।