नायक अनमोल केसीसँग काम गर्ने चाहना धेरै नायिकाहरुको हुन्छ । अझ, फिल्म क्षेत्रमा स्थापित हुन चाहने धेरै नायिकाहरु अनमोलसँग फिल्ममा काम गर्न चाहन्छन् ।
नेपाली फिल्म क्षेत्रमा स्थापित हुँदै गरेकी नायिका नीति शाहको करिअर पनि अनमोल केसीसँग जोडी बाँधेर सुरु गर्ने तयारी थियो । तर, नीतिले सोचे अनुसार भएन । उनको पहिलो फिल्म ‘एक्स ९’ नै बनेन । यो फिल्ममा अनमोल र नीतिले काम गर्ने पक्का भएको थियो ।
अनमोल र नीतिको जोडी यो फिल्ममा नबाधिएपछि अर्को फिल्म ‘रावायण’मा बाधिने पक्का भएको थियो । नायक अनमोल केसीले फिल्म साइन गरेपछि नीतिले फिल्म साइन गरेकी थिइन् ।
तर, पछि अनमोलले फिल्म छाडे । नीतिसँगको जोडी पनि टुट्यो । यसपछि यी दुइले काम गर्न लागेको कुनै चर्चा छैन ।
तर, अमेरिकामा आयोजना भएको ‘पहिलो गोल्डेन नेपाली फिल्म अवार्ड’मा भने अनमोल र नीति एकसाथ देखिए । दुबै जना एक अर्कासँग नजिक पनि छन् । यी दुइको जोडी अमेरिकामा पनि गज्जब देखियो ।
जेहोस्, फिल्ममा एकसाथ काम नगरेपनि यी दुइको मित्रता भने उस्तै छ । अनमोल र नीतिलाई पर्दामा हेर्नका लागि दर्शकले पनि प्रतीक्षा गरिरहेका छन् । आखिर, त्यो दिन कहिले आउला त खै ?
प्रतिक्रिया