पौषको २६ गतेबाट फिल्म ‘कार्साङ्ग’ रिलिजमा आउँदैछ । यो फिल्ममा नायक दयाहाङ राई मुख्य भूमिकामा छन् ।
यो फिल्मको गीत बाहेकको छायांकन सकेर दया अर्को फिल्म ‘रिमै’को छायांकनमा लागे । यसकाकारण, फिल्मको प्रचारमा दयाले खासै समय दिन नै पाएका थिएनन् ।
दया नभएपछि यसको निर्माणपक्षले गीतको छायांकन पनि गर्न सकेको थिएन । अहिलेसम्म फिल्मको पोस्टर र टिजर मात्र सार्वजनिक भएको छ ।
तर, दयाले अब समय दिएपछि यसको निर्माणपक्षले गीतको छायांकन गरिरहेको छ । सोमबारदेखि काठमाडौंको मुलपानीमा यो फिल्मको एउटा गीतको छायांकन भइरहेको छ ।
रोचक कुरा के छ भने, दयाले नै अभिनय गरेको अर्को फिल्म ‘दुखी आत्मा’को दुई वटा गीत खिच्नै बाँकी छ । अब, यो फिल्मका लागि दयाले कहिले समय दिन्छन् हेर्न बाँकी छ । माघ महिनाबाट दयाले फिल्म ‘महाभोज’को पनि छायांकन गर्नुपर्नेछ ।
फिल्म रिलिज नजिकिदै जाँदा ‘कार्साङ्ग’का मेकरले एउटा गीत पनि रिलिज गर्न सकेका छैनन् । अब, दयाले समय दिएर नाचेपछि गीत चाडै रिलिज होला कि ?
प्रतिक्रिया