मोटरसाइकल दुर्घटनामा प्रहरीको मृत्यु

काठमाडौ- दाङमा मोटरसाइकल दुर्घटना हुँदा एक जना प्रहरी जवानको मृत्यु भएको हो । जिल्लाको लमही नगरपालिका वडा नम्बर ७ का २६ वर्षीय प्रहरी जवान गणेश चौधरीको मोटरसाइकल दुर्घटनामा परी मृत्यु भएको जिल्ला प्रहरी प्रवक्ता डिएसपी ईश्वर थापाले जनाए ।

चौधरी वडा प्रहरी कार्यालय लमहीमा कार्यरत थिए। वडा प्रहरी कार्यालयलले काममा खटाएका चौधरीको लमही वडा नम्बर ७ स्थित कर्णली खोलामा मोटरसाइकल दुर्घटना भएको थियो। सोमबार बेलुकी सवा आठ बजेतिर उनी दुर्घटनामा परेका थिए भने उद्धार गरी लमही अस्पतालमा पुर्‍याएको केही बेरमै चिकित्सकले उनलाई मृत घोषणा गरेका हुन्।