कटहरीमा युवतीमाथि सामूहिक बलात्कार

काठमाडौँ- मंगलबार बिहान ‘मर्निङवाक’मा निस्किएका बेला ती युवती सामूहिक बलात्कारमा परेको मोरङ प्रहरीले बताएको छ । यो घटना कटहरीको हो । उनी हातखुट्टा बाँधेको र मुखमा पट्टी लगाएको अर्धचेत अवस्थामा भेटिएकी थिइन्। अहिले उनको विराटनगरस्थित कोशी अस्पतालमा उपचार भइरहेको मोरङ प्रहरी प्रवक्ता, डीएसपी बेदप्रकाश जोशीले बताए ।

प्रारम्भिक अनुसन्धानले युवतीमाथि सामूहिक बलात्कार भएको देखिएको डीएसपी जोशीले बताएका छन् । हामीले घटनाको अनुसन्धान शुरू गरेका छौं । घटनामा संलग्नको खोजी कार्यलाई तीव्र पारिएको छ’, उनले भने । ती युवतीलाई बाँस झ्याङमा कसैले नदेख्ने स्थानमा लगेर हातखुट्टा बाँधी, मुखमा पट्टी लगाएर जबर्जस्ती करणी भएको उनकी दिदीले प्रहरीलाई बताएकी छिन् ।