काठमाडौं– भारतीय चर्चित गायक सोनु निगम काठमाडौं आइपुगेका छन्। बुधबार दिउँसो त्रिभुवन अन्तराष्ट्रिय विमानस्थलमा उनलाई आयोजक टिमका सदस्यले स्वागत गरेको हो ।
सोनुले आज बेलुका हायात रिजेन्सी होटलको मैदानमा आयोजित ‘सोनु निगम लाइभ इन नेपाल’ मा प्रस्तुति दिँदैछन्। प्रस्तुतिका लागि आफू उत्साहित रहेको सोनुले मिडियाकर्मीसँग कुराकानी गर्दै बताएका छन् ।
उनलाई स्वागत गर्न कमेडियन सन्दीप क्षेत्री पनि विमानस्थल पुगेका थिए। उनले ढाकाटोपी लगाइदिएर स्वागत गरे। कन्सर्टमा दर्शकका लागि ४ बजे गेट खुल्नेछ। सोनु ७ बजे स्टेज चढेर आफ्नो प्रस्तुतिमार्फत दर्शक झुमाउने छन्। उनले भारतीयसहित केही आफ्नो नेपाली गीत समेत गाउने आयोजकको भनाईं छ।
नेपाली–टच नेपालले क्रिसमसको अवसर पारेर यो कन्सर्ट आयोजना गरेको हो।
प्रतिक्रिया