स्रोत नखुलेको ९२ लाख नगदसहित तीन जना पक्राउ

काठमाडौं– काठमाडौंबाट ९२ लाख नगदसहित तीन जना पक्राउ परेका छन्।

काठमाडौं उपत्यका अपराध अनुसन्धान कार्यालयको टोलीले मंगलबार ९२ लाख नगदसहित उनीहरूलाई पक्राउ गरेको हो ।

प्रकाउ पर्नेमा रवि धमला, जितबहादुर तामाङ र सन्तोष खाती रहेका छन्। उनीहरूबाट ७७ लाख र पछि १५ लाख गरी जम्मा ९२ लाख बरामद भएको हो।

स्रोत नखुलेको रकम बरामद भएको घटनामा प्रहरीले अनुसन्धान गरिरहेको छ। उनीहरु सुन कारोबारी हुन सक्ने प्रहरीको अनुमान छ।