फिल्म ‘नरसिंहाः अवतार’को प्रदर्शन मिति तय गरिएको छ । यो फिल्म चैत्रको २९ गतेबाट रिलिजमा आउने पक्का भएको हो ।
वितरकसँगको सल्लाहमा यो फिल्मको प्रदर्शन मिति तय गरिएको निर्माणपक्षले बताएको छ । दिवाकर भट्टराइको लेखन तथा निर्देशनमा तयार भएको यो फिल्मबाट नायक राजेश हमालले ८ बर्षपछि फिल्म क्षेत्रमा कमब्याक गर्दैछन् ।
फिल्म ‘नरसिंहाः अवतार’मा राजेश हमालको साथमा राज कटुवाल, नीति शाह, सनिषा भट्टराई, प्रशान्त ताम्राकार लगायतका कलाकारहरुको अभिनय छ । फिल्ममा नेम महर्जन, दीपक शर्मा ढकाल, धु्रव न्यौपाने र नरेन्द्र महर्जनको लगानी छ ।
फिल्ममा नीर शाह, सरोज खनाल, राजीव मानन्धर, सुशान्त श्रेष्ठ, उषा खड्गी, राजीव जंग बस्नेत, प्रकाश कुँवर, अमित गिरी, रमेश सोडारी, सरोज शाह, अमित श्रेष्ठ लगायतका कलाकारहरुको पनि अभिनय छ ।
फिल्मलाई एप्पल इन्टरटेन्मेन्ट, रिच इन्टरटेन्मेन्ट र एफडी कम्पनीले देशभरका हलमा वितरण गर्दैछन् । फिल्मको कथावस्तु र मेकिङ बलियो बनेको निर्माणपक्षले बताएको छ ।
प्रतिक्रिया