मुख्य हिरोइन बन्न पाइनन्, सह–कलाकारमा चित्त वुझाउँदै कुसुम

मोडल कुसुम शर्माले मुख्य नायिकाको रुपमा फिल्म ‘सञ्जिवनी’ साइन गरेकी थिइन् । तर, यो फिल्म बनेन । क्यानडामा छायांकन हुने भनिएको यो फिल्म विविध कारणले बनेन । मुख्य नायिकाको रुपमा अभिनय गर्न नपाएपनि सह–कलाकारको रुपमा भने कुसुमले फिल्ममा काम पाइरहेकी छिन् ।

कुसुमले फिल्म ‘वर एण्ड वधु’मा काम गरिसकेकी छिन् । यो फिल्ममा उनको भूमिकाले मिश्रित प्रतिक्रिया पाए । फिल्ममा कुसुम बोल्ड देखिएकी थिइन् । यसपछि, उनले फिल्म ‘माइली’मा पनि काम गर्ने पक्का भएको थियो । तर, यो फिल्मको आजसम्म छायांकन नै सुरु हुन सकेको छैन ।

अब, कुसुमले फिल्म ‘जन्ते बाख्रो’ साइन गरेकी छिन् । यो फिल्ममा उनी सह–कलाकार हुन् । फिल्ममा मुख्य नायिकामा गरिमा शर्माले काम गर्दैछिन् । फिल्ममा सौगात मल्ल मुख्य भूमिकामा छन् । फिल्ममा रुसा न्यौपाने, स्नेहा जोशी लगायतका कलाकारहरुको पनि अभिनय रहने पक्का भएको छ ।

फिल्ममा अब कुसुम पनि भित्रिएकी छिन् । यो फिल्मलाई सिमोस सुनुवारले निर्देशन गर्दैछन् । फिल्ममा टिकटकदेखि मोडलिङबाट उदाएका अधिकांश कलाकारहरुलाई अनुवन्धित गर्ने क्रम जारी छ ।