फिल्म ‘दुखी आत्मा’को विदेश अधिकार धमाधम विक्री हुन थालेको छ । फिल्मको फस्टलुक सार्वजनिक भएसँगै यसको विदेश अधिकार विक्री हुन थालेको निर्माता हिमाल कडरियाले जानकारी दिएका छन् ।
दीपेन्द्र लामाको लेखन तथा निर्देशनमा तयार भएको यो फिल्मको जापान अधिकार विक्री भएको छ । जापानमा यो फिल्मलाई यूएनए इन्टरटेन्मेन्टले खरिद गरेको छ ।
यूएनएका प्रमुख उज्ज्वल गुरागाँइले ‘दुखी आत्मा’को जापानमा उच्च माग भएकाले खरिद गरेको बताए ।
निर्माण टिमले कती रकममा फिल्मको अधिकार विक्री गरेको हो भन्ने बिषयमा खुलाएको छैन ।
यो फिल्ममा दयाहाङ राई, आँचल शर्मा, अनुप विक्रम शाही, वुद्दि तामाङ, रेअर राई, लोकेन्द्र लेखक, आशान्त शर्मा लगायतका कलाकारहरुको अभिनय छ ।
क्लक वर्क क्रियशनको ब्यानरमा निर्माण भएको फिल्मलाई आलोक शुक्लाले खिचेका हुन् भने निमेष श्रेष्ठले सम्पादन गरेका हुन् ।
यो फिल्म नेपालमा फागुनको २ गतेबाट रिलिजमा आउँदैछ । जापानमा पनि नेपालकै रिलिज मितिमा रिलिज गरिने यूएनएका प्रमुख उज्ज्वल गुरागाँइले बताएका छन् ।
प्रतिक्रिया