काठमाडौं-धादिङमा भएको हाइस दुर्घटनामा १६ जना घाइते भएका छन्। काठमाडौंबाट चितवन जाँदै गरेको बा २ ख २८२९ नम्बरको हाइस शुक्रबार दिउँसो ३:३५ बजेतिर धादिङको गल्छी गाउँपालिका-८ गल्छी मोडमा दुर्घटना भएको हो।
प्रहरीका अनुसार हाइसमा सवार १६ जना यात्रु र चालकसहित सबै घाइते भएका छन्। घाइतेहरूलाई उपचारका लागि अम्बेभरोसा अस्पताल गल्छी पठाइएको छ। घाइतेहरूको अवस्था केहीको सामान्य र केहीको मध्यम रहेको जनाइएको छ।
प्रहरीको अनुसन्धानबाट खुल्न आएको छ कि हाइसको ब्रेक फेल भएपछि गाडी अनियन्त्रित भएको थियो जसका कारण दुर्घटना घटेको हो।
प्रतिक्रिया