रास्वपा सांसद सोविता श्रीमानसहित बाबुराम निवास पुगिन् वैकल्पिक राजनीतिबारे छलफल गर्न

काठमाडौं । राष्ट्रिय स्वतन्त्र पार्टी (रास्वपा) की सांसद सोविता गौतम र नेपाल समाजवादी पार्टी (नयाँ शक्ति) का अध्यष बाबुराम भट्टराईबीच भेटवार्ता भएको छ । सांसद गौतम मंगलबार बिहान आफ्ना श्रीमान गृहेन्द्र घिमिरेलाई लिएर भट्टराई निवासमा पुगेकी थिईन् ।

बाबुरामसँगको भेटमा वैकल्पीक राजनीतिको भविष्यबारे छलफल भएको बताईएको छ । भेटबारे जानकारी दिँदै भट्टराईले सामाजिक सञ्जालमार्फत भनेका छन्, ‘रास्वपा युवा सांसद सोबिता गौतम र युवा उद्यमी गृहेन्द्र घिमिरे दम्पत्तीसँग देशको अर्थ–राजनीतिक अवस्था, वैकल्पिक राजनीतिको औचित्य लगायत विविध विषयमा उपयोगी विमर्श।’

रास्वपाका सभापति रवि लामिछाने सहकारी ठगीको आरोपमा हिरासतमा रहेपछि रास्वपा र बाबुरामबीच छलफल र भेटघाट भइरहन्छ । केही दिनअघि बाबुराम स्वयं रवि भेट्न कास्की पुगेका थिए । उनले रविलाई सरकारले प्रतिशोध साँधेको बताउँदै आएका छन् ।