प्युठानमा जन्मिएका न्यायाधीशले न्याय दिएकोले पल शाह प्युठान महोत्सवमा पुगेको सूर्य थापाको भनाई

काठमाडौं, १६ पुष । नेकपा (एमाले) का सांसद सूर्य थापाले पल शाह भित्रीकोट–प्युठान महोत्सवमा सहभागी भएको भन्दै कलाकार पल शाहको प्रशंसा गरेका छन् । कतिसम्म भने पललाई न्याय दिने न्यायाधीशपनि प्युठानमा जन्मिएका विवेकशील व्यक्तित्व भएकोले पल प्युठानीहरुमाँझ उपस्थित् भएको थापाको भनाई छ ।

उनले पल शाह महोत्सवमा आएको बेला भएको कुराकानीसहितको भिडिओ क्लिपपनि सेयर गरेका छन् । सो क्रममा उनले लेखेका छन्–‘लोकप्रिय कलाकार पल शाहलाई न्याय दिने न्यायाधीश प्युठानमा जन्मेको विवेकशील व्यक्ति हुनुभएकोले उहाँ प्युठानीहरूका माझ उपस्थित हुनुभयो। र, मैले विशेष रूपमा बनाइएको स्थानीय मालाले भित्रीकोट-प्युठान महोत्सवमा स्वागत गर्न पाउँदा अत्यन्त खुशी लागेको छ।’

त्यसअघि उनले पलसँगका तस्विरहरुसमेत साझा गरेका थिए । जहाँ उनले लेखेका थिए-

दाङ-प्युठानको परम्परागत माया
भित्रीकोट-प्युठान महोत्सवमा पल शाहसहित
कलाकारहरूका साथ।