आइजीपी कुँवरको प्रमुख आतिथ्यमा ४२ औं आइजिपि रनिङ शिल्ड फुटबल प्रतियोगिता सम्पन्न

प्रहरी आइजीपी बसन्त कुँवरको प्रमुख आतिथ्यमा आज आयोजित एक कार्यक्रमबीच राष्ट्रिय प्रहरी प्रशिक्षण प्रतिष्ठान महाराजगंजमा संचालित ४२ औं आइजिपि रनिङ शिल्ड फुटबल प्रतियोगिता सम्पन्न भएको छ ।

कार्यक्रममा आइजीपी कुँवरले प्रतियोगितामा बिजयी हुने गण्डकी प्रदेश प्रहरी कार्यालय पोखरा टिमका खेलाडीहरूलाई पदक, प्रमाण–पत्र, रनिङ कप र नगद पुरस्कार प्रदान गरे । साथै उनले प्रतियोगितामा विभिन्न विधाका उत्कृष्ट खेलाडीलाई ट्रफी, नगद पुरस्कार तथा प्रमाणपत्र एवम् म्याच रेफ्री, प्रायोजकहरू, सहभागी टिमहरु र अफिसियलहरुलाई मायाको चिनो प्रदान गरेका हुन ।

कार्यक्रममा नेपाल प्रहरी खेलकुद समितिका सदस्य सचिव एआइजी सुदीप गिरीले फाइनल खेलका म्यान अफ दि म्याचलाई पुरस्कार तथा द्वितीय हुने टिमका खेलाडी तथा

अफिसियलहरुलाई पदक, प्रमाणपत्र, चेक, नगद पुरस्कार र ट्रफी प्रदान गरे । साथै उनले कार्यक्रममा धन्यवाद ज्ञापन गर्दै संगठन र राष्ट्रको शिर उच्च बनाउन सफल खलेकुदको विकासका लागि नेपाल प्रहरीले पुर्याउँदै आएको योगदान अतुलनीय रहेको चर्चा गरे ।