प्रदीपको ‘एक्टर’को पोस्टरले जगाएको आशा

राजन भुषालको निर्देशनमा तयार भएको फिल्म ‘एक्टर’को दुई वटा पोष्टर सार्वजनिक भएसँगै यसको हाइप बढेको छ ।
फिल्मको नयाँ पोष्टरमा मुख्य कलाकारहरु नायक प्रदीप खड्का, कलाकार राजवल्लभ कोइराल, नायिकाद्धय आना शर्मा र दिव्या रायमाझीलाई देखाइएको छ ।

यो पोष्टरलाई भने दर्शकले निकै मन पराएका छन् । यसअघि सार्वजनिक केही पोष्टरमा भने दर्शकको मन बसेको थिएन ।
थमनकुमार भण्डारीको लगानीमा तयार भएको फिल्ममा मोती कार्की क्रियटिभ निर्माता, अनिस भुषाल सह–निर्माताको रुपमा छन् ।

फिल्ममा आकाश बराल र राजन भुषालको लेखन, नरेन्द्र मैनालीको डीओपी, निमेष श्रेष्ठको सम्पादन छ ।

फिल्मले एक कलाकारको संघर्ष र सफलताको कथा भन्छ । यसैबिच, यसको निर्माणपक्षले नायक प्रदीप खड्काको नयाँ भिडियो सार्वजनिक गरेको छ । जहाँ, प्रदीपले आफ्नो फिल्मी यात्राको बिषयमा कुरा गरेका छन् ।

उनले भनेका छन्–‘मेरो १० बर्षे फिल्मी यात्रामा थुप्रै उतारचढाव आएको छ । फिल्म रिलिज, निर्माण र प्रतिक्रियाको कुराले थुप्रै खालको सोचहरु विकास हुने रहेछन् । फिल्म निर्माण त गर्ने वा नगर्ने मेकरको कुरा हो । तर, फिल्मको व्यापार नितान्त दर्शकको हातमा रहन्छ ।’