फिल्ममा नायिका साम्राज्ञी राज्यलक्ष्मी शाहको क्रेज छैन । उनले अभिनय गरेका फिल्मले निरन्तर रुपमा दर्शकको साथ नपाएपछि नयाँ मेकर उनीमाथि लगानी गर्न उत्साहित छैनन् ।
फिल्ममा करिअर ओरालो लागेपछि साम्राज्ञी म्युजिक भिडियोतिर लागेकी छिन् । महंगो पारिश्रमिक लिएर उनी भिडियोमा अभिनय गर्न व्यस्त छिन् ।
उनै, साम्राज्ञीले अभिनय गरेको नयाँ भिडियो ‘हरे हरे’ सार्वजनिक भएको छ । साम्राज्ञी राज्यलक्ष्मी शाह र विशाल खरेलको अभिनय रहेको यो गीतको भिडियो थाइल्याण्डमा खिचिएको हो । भिडियोमा साम्राज्ञी निकै नै बोल्ड देखिएकी छिन् ।
उनी, फिल्ममा पनि यति बोल्ड बनेकी थिइनन् होला । सुमित पाठकले तयार पारेको यो गीतको भिडियोलाई सौरभ लामाले खिचेका हुन् । साम्राज्ञीको बोल्ड अवतारले युट्युबमा चर्चा पाइरहेको छ ।
तर, फिल्मबाट अफर आउन थालेपछि भिडियोमै सेक्सी बन्न थालेकी साम्राज्ञीको काम गर्ने शैली भने रोचक देखिएको छ ।
प्रतिक्रिया