१३ बर्षको उमेरमा बाल गायक सचिन परियारको निधन

केही बर्ष अगाडि आफ्नो गीत संगीतको मार्फत दर्शकको मन जितेका गायक सचिन परियारको निधन भएको छ । उनको आज बिहान टिचिङ अस्पताल, महाराजगञ्जमा निधन भएको हो । उनको १३ बर्षको उमेरमा निधन भएको अस्पतालले जनाएको छ ।

स्वास्थ्य अवस्थामा समस्याका कारण थलिएका उनको कम्मरमुनिको भाग राम्रोसँग चल्दैन थियो । यसअघि शल्यक्रिया गरेर तंग्रिएका सचिन आफ्नै बलमा उभिन नसक्ने अवस्थामा थिए ।

सचिनको आज बिहान पौने ११ बजे निधन भएको हो । सचिन भाइरल गायकको रुपमा चर्चित थिए । उनले ‘रातो रबर एक, रुमाल खस्छ कि, के छ र हजुर, बरको छायाले’ लगायतका गीत गाएका थिए । उनले हाँस्य सिरियल ‘मेरी बास्सै’मा पनि काम गरेका थिए ।