नायक दयाहाङ राइको अर्को एक फिल्म पनि यही बर्ष रिलिज हुने भएको छ । चैत्र १ गतेबाट फिल्म ‘पूजा सरः राजागंज’ रिलिजमा आउने पक्का भएको हो ।
फिल्मको नयाँ पोस्टरमा दयाहाङ राई, आशा मगराती, विजय बराल, निकिता चाण्डकलाई स्थान दिइएको छ । पोस्टरमा दयाहाङ प्रहरी एसपीको पोशाकमा देखिएका छन् ।
फिल्मको पोस्टर हेर्दा कुनै घटनाका लागि तयार रहेको प्रहरीको टोली जस्तो देखिएको छ । दीपक रौनियारको निर्देशनमा तयार भएको फिल्ममा रामबाबु गुरुङको लगानी छ ।
फिल्ममा ऋचा शर्मा पशुपति राई, गौमाया गुरुङ, घनश्याम मिश्रा, आरती मण्डल तथा पुष्पा यादवको पनि अभिनय छ ।
यो बर्ष दयाका ४ वटा फिल्म रिलिजमा आइसकेको छ । अब उनको ‘कार्साङ, दुखी आत्मा, राजागंज’ लगायतका फिल्म रिलिजमा आउँदैछन् ।
प्रतिक्रिया