नायक प्रदीप खड्काको यो बर्ष दुई वटा फिल्म रिलिजमा आउँदैछन् । फिल्म ‘पुजार सार्की’ रिलिज भइसकेको छ । अब, उनी दुई फिल्म ‘एक्टर र पिताम्बर’मा देखिदैछन् ।
यी दुबै फिल्ममा प्रदीप एक्सन अवतारमा देखिदैछन् । तर, दुबै फिल्मको पोस्टरमा एउटा समानता देखिएको छ । त्यो हो, दुबै फिल्मको पोस्टरमा उनी घाइते देखिएका छन् ।
फिल्म ‘पिताम्बर’को नयाँ पोस्टरमा प्रदीपलाई घाइते अवतारमा देखाइएको छ । घाइते प्रदीपको यो गेटअपलाई दर्शकले मन पराएका छन् ।
यता, फिल्म ‘एक्टर’मा पनि प्रदीप घाइते नै देखिएका छन् । उनको अनुहारदेखि हातमा पनि चोट देखिन्छ ।
यसले, दुबै फिल्ममा प्रदीप घाइते रहेको पुष्टि हुन्छ ।
अब, यी दुई फिल्ममा प्रदीपले कस्तो काम गरेका छन् त्यो हेर्न बाँकी छ । यी दुबै फिल्म प्रदीपका लागि महत्वकांक्षी देखिएको छ । यी दुबै फिल्म चलेको खण्डमा प्रदीपको करिअर दुई कदम माथि उक्लनेछ ।
बक्स अफिसमा एक्सन फिल्महरुले पनि जादु छरिरहेको समयमा प्रदीपका यी दुबै फिल्म दर्शकको प्रतिक्षामा छन् ।
प्रतिक्रिया