काठमाडौं महानगरपालिकाका मेयर तथा र्यापर बालेन शाहले पाश्र्व गायनमा डेब्यू गरेका छन् ।
उनले फागुनको १४ गतेबाट रिलिजमा आउन लागेको फिल्म ‘लाज शरणम्’मा गीत गाएका हुन् । गीतमा बालेनकै शब्द, संगीत र स्वर छ । उनले, फिल्मका लागि हिपहप गीत रेकर्ड गराएका हुन् ।
फिल्मका लागि बालेनले गीत गाइसकेको फिल्म निर्माण कम्पनी जेपिटी क्रियसनका प्रमुख अर्जुन घिमिरेले बताएका छन् ।
यो गीतलाई फिल्म रिलिज अगाडि सार्वजनिक गर्ने तयारी निर्माणपक्षको छ । बालेनको साथमा २० गीत रहेको र एउटा गीत यो फिल्मलाई दिएको वुझिएको छ ।
बालेनले देशका लागि फिल्म बनाएको बताएपछि गीत रेकर्ड गर्न तयार भएका थिए । बालेनले अब अन्य फिल्ममा गीत गाउँछन् या गाउँदैनन् भन्ने एकिन छैन । अर्जुन घिमिरेसँगको निकटताका कारण पनि बालेनले गीत गाएको वुझिएको छ ।
बालेनको स्वरमा ‘बलिदान, स्याभेज, मार्फाको मदिरा, गोर्खाली तोप’ लगायतका गीतहरु सार्वनिक भइसकेका छन् ।
प्रतिक्रिया