काठमाडौँ महानगरपालिकाले मापदण्ड विपरीत सञ्चालनमा रहेको कवाडी व्यवसाय डोजर चलाएर हटायो

काठमाडौँ – काठमाडौँ महानगरपालिकाले ३२ नम्बर वडामा स्थित सेतीदेवी मार्गमा सञ्चालनमा रहेको एक कवाडी संकलन र प्रशोधन केन्द्रलाई मापदण्ड विपरीत भएको कारण डोजर चलाएर हटाएको छ।

यो केन्द्रको नाम र दर्ता समेत नभएको भन्दै, महानगरपालिकाले पटक-पटक व्यवसाय हटाउन अनुरोध गर्दा पनि व्यवसायीले बेवास्ता गर्दै आइरहेका थिए। त्यसपछि, स्थानीय प्रशासनले कानुनी कारवाही गर्दै डोजर चलाएर उक्त व्यवसाय हटाएको हो।

महानगरपालिकाले यस कार्यलाई आवश्यक मापदण्ड पालन नगरेको र पर्यावरणीय प्रभावका कारण यस्तो कदम उठाएको बताएको छ।