नायक विपिन कार्की टिकटकमा खासै अभ्यस्त छैनन् । अभिनय बेजोड गर्ने भएकै कारण विपिनको चर्चा हुने गर्दछ । यसैले, उनी कहिलेकाही टिकटक बनाउँदै नाचेको अवस्थामा भेटिए भने अनौठो मान्नुपर्ने हुन्छ ।
विपिन अहिले फिल्म ‘कर्मा’को छायांकनका लागि दाङमा छन् । यो फिल्मको छायांकनका क्रममा रहेका विपिनले गायक दुर्गेश थापाको नयाँ गीत ‘हेरेको हेरै’को प्रमोशन गरिरहेका छन् ।
उसो त उनले आफ्नो टिकटक आइडीबाट यो गीतको भिडियो बनाएका भने होइनन् । उनले, प्रोडक्सन डिजाइनर शंकर पाण्डेको आइडीमा टिकटक बनाउँदै नाचेको देख्न सकिन्छ ।
शंकर पाण्डेले विपिनसँग यो गीतमा नृत्य गरिरहेका छन् । नृत्यमा कमजोर मानिने विपिन पनि कम्मर मर्काइरहेका छन् ।
विपिनको यस्तो अवतार निकै कम देख्न पाइन्छ । तर, यसपटक भने उनी दुर्गेशको भाइरल गीतमा रमाएका देखिन्छ ।
कामको कुरा गर्दा विपिनको फिल्म ‘कर्मा’ चैत्रको २९ गतेबाट रिलिजमा आउँदैछ । यस्तै, उनी अभिनित अर्को फिल्म ‘उनको स्विटर’ वैशाखको २६ गतेबाट रिलिजमा आउने पक्का भएको छ ।
प्रतिक्रिया