चर्चित कथावाचिका देवी प्रतिभा फेरि नेपाल आउँदै

भारतमा बस्दै आएकी चर्चित कथावाचिका देवी प्रतिभा (प्रतिभा पराजुली) फेरि नेपाल आउन लागेकी छन्। उनी मकर स्नान माघ महामहोत्सवको अवसरमा चितवनको देवघाटमा १ महिनासम्म चल्ने महायज्ञमा कथा वाचन गर्न आउने भएकी हुन्।

यसअघि, देवी प्रतिभाले पशुपतिनाथ मन्दिरमा करिब १५ दिनसम्म कथा वाचन गरिसकेकी थिइन्। अब उनी देवघाटमा १० दिनसम्म कथा वाचन गर्ने बताइएको छ।

मातापिता सेवा आश्रम र देवघाट दिव्य धामको निर्माण सहयोगका लागि आयोजना गरिएको ‘देवघाट महामहोत्सव’को निम्ति देवी प्रतिभाले कथा वाचन गर्ने भएकी हुन्। यस महायज्ञमा उनका भक्तजनहरूको ठूलो सङ्ख्यामा सहभागिता हुने अपेक्षा गरिएको छ।

देवी प्रतिभा नेपाली सांस्कृतिक र धार्मिक क्षेत्रमा एक अत्यन्त प्रसिद्ध नाम भएकी छन् र उनका कथा वाचनले लाखौं मानिसहरूको मनलाई छुँदै आएको छ।