नेपाल क्लाइम्बिङ स्पोर्ट एशोसिएशन अन्तर्गत बाग्मती प्रदेश र काठमाडौँ उपत्यका कमिटीको निर्वाचन सम्पन्न

ललितपुरको ज्वागलस्थित “नेवाः भ्वय् छें एण्ड पार्टी प्यालेस” मा नेपाल क्लाइम्बिङ स्पोर्ट एशोसिएशन अन्तर्गत बाग्मती प्रदेश कमिटी र काठमाडौँ उपत्यका कमिटीको निर्वाचन सम्पन्न भएको छ।

कार्यक्रमका प्रमुख अतिथि वाग्मती प्रदेश खेलकुद विकास परिषदका सदस्य सचिव दीपक लामा तामाङ थिए, भने विशेष अतिथिमा नेपाल क्लाइम्बिङ स्पोर्ट एशोसिएशनका अध्यक्ष रमेश पौडेल, बेसबल र सॉफ्टबल संघका अध्यक्ष दीपक न्यौपाने, स्केटिङ र स्केटबोर्डिङ् संघका अध्यक्ष अच्युत खनाल, नेपाल आईटीएफ तेक्वान्डो महासंघका सचिव तथा प्रदेश खेलकुद परिषद सदस्य अन्जना शिवाकोटी, नेपाल क्लाइम्बिङ स्पोर्ट एशोसिएशनका महासचिव सन्तोष मादेन, सचिव सुजित कँडेल र कोषाध्यक्ष प्रनिल मान श्रेष्ठ रहेका थिए।

निर्वाचनमा बाग्मती प्रदेश कमिटीको अध्यक्षमा कल्पना महर्जन निर्वाचित भइन्। काठमाडौँ उपत्यका कमिटीको अध्यक्ष पदमा रुपेश अधिकारी निर्वाचित भएका छन्। दुबै कमिटीमा ९-९ जनाको कार्यसमिति निर्वाचित भएको छ।

काठमाडौँ उपत्यका कमिटी का अन्य निर्वाचित सदस्यहरू:

• उपाध्यक्ष: श्रीधर पौडेल, बुद्धिराम शर्मा
• सचिव: सुवास सुवेदी
• कोषाध्यक्ष: हरिभक्त महर्जन
• सदस्यहरू: शोभा सापकोटा थापा, विजय प्रसाद बस्याल, जित बुधवार, गंगा थापा, मगर

बाग्मती प्रदेश कमिटी का अन्य निर्वाचित सदस्यहरू:

• उपाध्यक्ष: रविन्द्र महर्जन, सुरज बस्नेत
• सचिव: नवीना गुरुङ
• कोषाध्यक्ष: डोमा तामाङ
• सदस्यहरू: दावा टासी शेर्पा, चन्द्र कृष्ण चक्रधर, मनीष महर्जन

निर्वाचित कार्यसमितिले हिजै शपथ ग्रहणसमेत गरेको छ।