फिल्म ‘पूर्ण बहादुरको सारङ्गी’ले बक्स अफिसमा धमकेदार व्यापार गर्यो । ऐतिहासिक व्यापार गरेको यो फिल्मबाट निर्देशनमा सरोज पौडेल उदाए ।
अब, उनले नयाँ फिल्म निर्देशनको घोषणा गरेका छन् । उनले, निर्देशन गर्न लागेको नयाँ फिल्मको नाम ‘कोशेढुंगा’ राखिएको छ । फिल्मको घोषणासँगै यसको थीम पोष्टर पनि सार्वजनिक भएको छ ।
सार्वजनिक थिम पोष्टरमा घुरमैलो बिहानीलाई पृष्ठभूमिमा राखेर पहाडलाई हेरिरहेकी एक महिलालाई देखाइएको छ ।
सामाजिक कथावस्तुमा निर्माण हुन लागेको यो फिल्मले अभाव, अग्लो सपनार संघर्षको कथा भन्नेछ । फिल्मको बिषयमा निर्देशक पौडेलले केही पनि बोलेका छैनन् । यो फिल्मलाई आउँदो बर्ष रिलिज गर्ने तयारी गरिएको छ ।
नरदेवी फिल्मस्को प्रस्तुति रहेको फिल्मलाई प्रेविल कँडेल र हरि महत्तको लगानी रहनेछ । फिल्मका कार्यकारी निर्माता दिनेश खड्का हुन् । बाबु श्रेष्ठको डीओपी रहने फिल्ममा सुरेन्द्र पौडेलको सम्पादन, रिदम कँडेल र आशिष अविरलको संगीत रहनेछ । फिल्ममा कलाकारहरु को–को रहनेछन् खुलाइएको छैन ।
तर, ‘पूर्ण बहादुरको सारङ्गी’बाट दर्शकको मन जितेका सरोजले यसपटक पनि दर्शक तान्ने अपेक्षा गर्न सकिन्छ ।
प्रतिक्रिया