काठमाडौँ – भक्तपुरको मध्यपुर थिमी नगरपालिका वडा नम्बर २ स्थित सडकमा पुस १५ मा एक दम्पती सवार स्कुटर दुर्घटनामा परेको छ। बागमती प्रदेश–०२–०२८ प ६६१० नम्बरको स्कुटरका चालक निश्चल प्रकाशराज भण्डारी को पुस १९ मा उपचारका क्रममा नर्भिक अस्पतालमा मृत्यु भएको हो।
निश्चलकी पत्नी २८ वर्षीय पूजा श्रेष्ठ स्कुटर पछाडि सवार थिइन्। दुर्घटनामा उनी घाइते भइन् र हाल नर्भिक अस्पतालमा उपचार भइरहेको छ।
निश्चल र पूजा झापाको भद्रपुर नगरपालिकाका पूर्व उप प्रमुख चन्द्रा श्रेष्ठ का छोरा र बुहारी हुन्। उनीहरू दुवैजना अस्ट्रेलिया जानका लागि घरबाट बिदा भएर काठमाडौँ आएका थिए, जिल्ला प्रहरी परिसर भक्तपुरका डीएसपी ढुण्डिराज नेउपाने ले जानकारी दिएका छन्।
दुर्घटना थिमिबाट मगरगाउँतर्फ जाने क्रममा भएको हो। स्कुटरको चालक निश्चल र उनकी पत्नी पूजा कुकुरलाई बचाउन खोज्दा स्कुटर अनियन्त्रित भएको र यस कारण दुर्घटना भएको पूजा ले बयान दिएकी छन्। पूजा अहिले पनि उपचार भइरहेको अस्पतालमा रहेका छन्। उनको खुट्टामा चोट लागेको छ।
३१ वर्षीय निश्चल को शव पोस्टमार्टमपछि परिवारलाई जिम्मा लगाइएको डीएसपी नेउपानेले जानकारी दिए। दुर्घटनाग्रस्त स्कुटर प्रहरी वृत्त थिमीमा राखिएको छ।
प्रतिक्रिया