टंकको ‘मन बिनाको धन ठूलो कि धन बिनाको मन’मा नीता

गायक एवं संगीतकार टंक वुढाथोकीको निर्माण तथा निर्देशनमा बन्न लागेको फिल्म ‘मन बिनाको धन ठूलो कि धन बिनाको मन’का लागि धमाधम कलाकारहरु फाइनल गरिएको छ । यो फिल्ममा बाल गायक अशोक दर्जी मुख्य भूमिकामा हुनेछन् ।

अब, फिल्ममा नायिका नीता ढुंगानाको पनि प्रवेश भएको छ । निर्माणपक्षले ‘ह्रस्व दीर्घ’ हिट भएपछि चर्चामा रहेकी नायिका ढुंगानासँग कागजी संझौता गरेको हो । फिल्ममा सरोज खनाल, रमेश विश्वकर्मा, वुद्दि तामाङ, रविन्द्र झा, एआर वुढाथोकी, शंकर श्रेष्ठ, साम्राज्ञी थापा लगायतका कलाकारहरुको अभिनय रहनेछ ।

अझै केही कलाकारहरुलाई साइन गर्न बाँकी नै रहेको निर्माणपक्षको भनाई छ । टंककै कथा रहेको यो फिल्ममा शिवम् अधिकारीको पटकथा तथा संवाद छ । फिल्ममा सौरभ लामाको छायांकन रहनेछ ।

सामाजिक कथावस्तुमा यो फिल्म निर्माण हुनेछ । यो फिल्मका लागि बाल गायक अशोकले अभिनय पनि सिकिरहेका छन् ।