चैत्रको २२ गतेबाट रिलिजमा आउन लागेको फिल्म ‘बसन्त’को फस्टलुक रिलिज गरिएको छ । सार्वजनिक पोष्टरमा फिल्मका मुख्य नायक प्रकाश सपुतलाई मात्र स्थान दिइएको छ । यो फिल्मको लेखन तथा निर्देशन पनि प्रकाश आफैले गरेका हुन् ।
पोष्टरमा प्रकाशलाई अध्ययनशील पात्रको रुपमा देखाइएको छ । उनको पृष्ठभूमिमा लक्ष्मीप्रसाद देवकोटा र पारिजातका तस्वीर छन् । यसले, प्रकाशको रुची साहित्यमा बढी भएको वुझ्न सकिन्छ । फिल्मलाई लिएर दर्शकमा आशा र उत्साह पनि बढेको छ ।
‘परदेशी २ र पूर्ण बहादुरको सारङ्गी’ चलेपछि प्रकाशप्रति दर्शकको चाहना पनि बढेको छ ।
यो फिल्म आफ्नो जीवनकै ठूलो सपना पुरा गर्न गरिएको प्रयासको रुपमा प्रकाशले लिएका छन् । यो फिल्ममा आफू भित्रका सबै रंगहरु पोतेको प्रकाशले बताए ।
यो फिल्ममा प्रकाशसँगै स्वस्तिमा खड्का, खड्गबहादुर पुन, प्रभात पाल, श्री शिभांसी, उर्मिला लाम्गादे लगायतका कलाकारहरुको अभिनय छ ।
गलबन्दी प्रोडक्सनको ब्यानरमा निर्माण भएको यो फिल्ममा मोहन विश्वकर्मा र बिन्दु बोहरा निर्माताको रुपमा छन् । अनुरोध भट्टराई, नाना थकाली र विरेन्द्रनारायण श्रेष्ठ फिल्मका कार्यकारी निर्माता हुन् ।
प्रतिक्रिया