सौगात भर्सेस प्रदीप

नायक सौगात मल्ल भर्सेस प्रदीप खड्का हुने देखिएको छ । फिल्म ‘पिताम्बर’को सार्वजनिक नयाँ पोष्टरमा यी दुइको एक अर्कासँगको लडाई देखाइएको छ ।

कृषा चौलागाइको निर्देशनमा तयार भएको फिल्मको टिजर पौष २९ गते सार्वजनिक गर्ने तयारी गरिएको छ । तर, टिजर सार्वजनिक गर्नु अगाडि यसको टिमले सार्वजनिक गरेको नयाँ पोष्टरमा सौगात र प्रदीप आमुन्ने सामुन्ने देखिएका छन् ।

विशाल चौलागाइको निर्माणमा तयार भएको फिल्ममा प्रदीप खड्का, सौगात मल्ल, दयाहाङ राई, अनुप विक्रम शाही, दिव्य देव, प्रमोद अग्रहरि, दिव्या रायमाझी, सुरक्षा पन्त, सुपुष्पा भट्ट लगायतका कलाकारहरुको अभिनय छ ।

यो फिल्म चैत्रको २९ गतेबाट रिलिजमा आउने पक्का भएको छ । फिल्मको निर्माणमा उच्च रकम खर्च भएको र एउटा लोभलाग्दो एक्सन फिल्म बनाएको दाबी निर्माणपक्षको छ ।

नेपाली फिल्म क्षेत्रका दुई सुपरस्टारहरु प्रदीप खड्का र सौगात मल्लको एक्सन हेर्न दर्शक पक्कै पनि उत्सुक हुने देखिएको छ ।