फिल्म त त्यस्तै हो, भिडियोले दियो पुष्पलाई राहत

नायक पुष्प खड्काका हातमा फिल्म छैन । उनले अभिनय गर्ने भनिएको फिल्म ‘सिड्नी ब्लूज’को छायांकन नै सुरु हुन सकेको छैन । संभवत, यो फिल्म अब बन्छ भन्ने यसको निर्माणपक्षलाई पनि विश्वास छैन होला ।

यसैले, पुष्पको हातमा तत्काल फिल्म त छैन । तर, उनी एक्सन भने सिकिरहेका छन् । पुष्पले कुन फिल्मका लागि एक्सन सिकेका हुन् भन्ने खुलेको छैन । फिल्मले नभएपनि, म्युजिक भिडियोले भने पुष्पलाई राहत दिएको छ ।

उनले अभिनय गरेको भिडियो नचलेको पनि लामै समय भएको थियो । तर, पछिल्लो समय रिलिजमा आएको ‘नमस्ते ढोगदिया’ बोलको गीत भने हिट भइरहेको छ । सामाजिक संजालमा यो गीतमा थुप्रै टिकटक बनिरहेका छन् । पुष्पले पनि अधिकांश टिकटक भिडियोलाई सामाजिक संजालमा शेयर गर्दै गीतको प्रचार गरिरहेका छन् ।

पुष्पको फिल्म नचलेको पनि केही बर्ष भयो । यसैले, मेकरले उनलाई लिएर फिल्म बनाउन रुची नदेखाएका हुन् । उनी, भिडियोमा भने निकै व्यस्त छन् । तर, भिडियो पनि नचल्दा उनलाई समस्या भएको थियो ।

तर, अहिले भने यो गीत चलेपछि पुष्पलाई राहत भएको छ । हेरौं, एउटा गीत चलेपछि पुष्पले अन्य कती वटा म्यूजिक भिडियो हात पार्ने हुन् ।