‘दुखी आत्मा’को एडल्ट ड्रामा टिजर

फिल्म ‘दुखी आत्मा’को टिजर सार्वजनिक भएको छ । एडल्ट ड्रामामा तयार भएको यो फिल्मको टिजर नायक दयाहाङ राइले यसअघि गर्दै आएका भूमिका भन्दा निकै फरक छ ।

यसपटक दया र नायिका आँचल शर्माले फिल्ममा द्धिअर्थी संवाद बोलेका छन् । एडल्ट बिषयवस्तु भएकै कारण फिल्मको टिजरमा त्यस्ता केही संवादहरु पनि समावेश गरिएको छ । फागुन २ गते प्रेम दिवसको अवसर पारेर यो फिल्म हलमा लाग्दैछ ।

दीपेन्द्र लामाको लेखन तथा निर्देशनमा तयार भएको यो फिल्ममा हिमाल कडरियाको लगानी छ । सुदिप ढकाल कार्यकारी निर्माता रहेको फिल्ममा आलोक शुक्लाको छायांकन, निमेष श्रेष्ठको सम्पादन छ ।

सार्वजनिक भएको टिजरमा फिल्मका मुख्य दुई कलाकारहरु नायक दयाहाङ राई र नायिका आँचल शर्मा हाबी छन् । यो फिल्मलाई निर्माणपक्षले एडल्ट बिषयवस्तुमा तयार पारेको भनेको छ ।

जसकाकारण, फिल्म भित्र द्धिअर्थी लाग्ने संवादहरु प्रशस्त छन् । विशेषगरि, आँचलको संवादले पनि यो कुरा वुझाउँछ । साथमा फिल्ममा अनुप विक्रम शाही, वुद्दि तामाङ, रेअर राई, पुष्कर गुरुङ, कविता आले, लोकेन्द्र लेखक, आरती आचार्य, आशान्त शर्मा, दिया मास्के, लुनिभा तुलाधर, शिशिर वाङ्देल लगायतका कलाकारहरुको फिल्ममा अभिनय छ ।

यो फिल्मको टिजरले दर्शकलाई पेट मिचिमिची हसाउँछ । यसपटक, दयाहाङले आफ्नो काम गर्ने कथावस्तुको शैली फेरेका छन् । दया यो फिल्ममा रोमान्टिक साथै पीडित पनि देखिएका छन् । उनको पीडाको भाव के हो त्यो ट्रेलरले अझै खुलाउनेछ ।

प्रेम दिवसको अवसर पारेर रिलिजमा आउन लागेको यो फिल्मले दर्शकलाई हलसम्म तान्ने देखिएको छ । क्लक वर्क क्रियशनको व्यानरमा यो फिल्म निर्माण भएको हो ।