पहिलो पोस्टरमा नअटाएका फिल्म ‘होस्टेल ३’का तीन नव–नायिका दोस्रो पोस्टरमा भने अटाएका छन् । फागुनको २३ गतेबाट रिलिजमा आउन लागेको यो फिल्मको दोस्रो पोस्टरमा सिम्रन पन्त, हेना नगरकोटी र समा पराजुलीलाई पनि समेटिएको छ ।
फिल्मको पहिलो पोस्टरमा आशिष घिमिरे, पारस बम, रिहान गिरी, पदम तामाङलाई स्थान दिइएको थियो । दोस्रो पोस्टरमा यी चार पुरुष कलाकारसहित बाँकी तीन महिला कलाकारहरुलाई स्थान दिइएको छ ।
सशान कँडेलको निर्देशनमा तयार भएको फिल्ममा माधव शर्माको स्क्रिप्ट छ । सम्मान इन्टरटेन्मेन्टले आरोन कन फिल्मसँगको सहकार्यमा यो फिल्म निर्माण गरेको हो ।
फिल्ममा सुरेश कँडेल, कर्ण कार्की र गोविन्द अधिकारीको लगानी छ । शंकर कोइराला फिल्मका कार्यकारी निर्माता हुन् ।
शिशिर ज्ञवाली, कुन्दन गुप्ता र अनिस सिग्देल सह–निर्माता रहेको फिल्ममा कोशिशराज क्षेत्री लाइन प्रोड्यूसरको रुपमा छन् ।
अर्जुन तिवारीको डीओपी, वुद्द थापा र मनोज खत्रीको सिनेमाटोग्राफी रहेको फिल्ममा अर्जुन पोखरेल, अल्मोडा राणा उप्रेती, महेश ज्ञवाली र किरण माइकलको संगीत छ ।
विकास दाहालको सम्पादन रहेको यो फिल्ममा प्रवीण सिंह र रोशन विश्वकर्माको कोरियोग्राफी, हिमाल केसीको एक्सन छ ।
प्रतिक्रिया