फिल्म ‘महाभोज’मा मुख्य नायिका परिवर्तन गरिएको छ । यो फिल्ममा नायिका मिरुना मगर फाइनल भइसकेकी थिइन् ।
तर, अब उनले फिल्ममा काम गर्न नभ्याउने भएपछि अर्की नायिका गौमाया गुरुङलाई भित्राइएको छ । मिरुना फिल्म ‘कुस्ती’मा व्यस्त हुने पक्का भएपछि उनले ‘महाभोज’मा काम गर्न नभ्याएकी हुन् ।
गौमाया फिल्म ‘कबड्डी ४’बाट फिल्म क्षेत्रमा प्रवेश गरेकी थिइन् । यसपछि, उनले केही फिल्ममा काम गरिन् । तर, उनले जती चर्चा पाउनु पर्ने थियो त्यती पाइनन् ।
यो फिल्मको छायांकन अब माघको १ गतेबाट सुरु हुँदैछ । फिल्मलाई हिमाल कडरियाले निर्माण गर्दैछन् ।
यो फिल्ममा दयाहाङ राई, आर्यन सिग्देल, अञ्जना बराइली, गौमाया, खगेन्द्र लामिछाने, मलिका महत्त लगायतका कलाकारहरुको अभिनय रहनेछ ।
विकास सुवेदीको पटकथा रहने फिल्मलाई क्लक वर्क क्रियशनले निर्माण गर्न लागेको हो । फिल्ममा दिनेश राउतको निर्देशन रहनेछ ।
प्रतिक्रिया