‘कार्साङ हलमा, कस्तो छ ओपनिङ ?

आज शुक्रबारदेखि नयाँ नेपाली रिलिजमा आएको छ । यम शेर्पाको निर्देशनमा तयार भएको फिल्म ‘कार्साङ’ले देशभरका हलमा सुखद शोज पाएको छ ।

फिल्ममा नेपाली फिल्मका नाम चलेका कलाकारहरु दयाहाङ राई, जितु नेपाल, दिया मास्केको साथमा नयाँ कलाकार श्रृजना निङलेखुको अभिनय छ ।

फिल्म ‘कार्साङ’ले प्रिमियरमा सुखद शोज पाएको थियो । यो फिल्मले सुखद शोज पाएपनि यसको ओपनिङ भने कमजोर छ । बिहानीका शोजमा दर्शकको अकुपेन्सी कमजोर देखिएको हो ।

नाम चलेका कलाकारहरु फिल्ममा हुँदा पनि कमजोर ओपनिङ हुनु आफैमा सुखद कुरा भने होइन । यो फिल्मले शेर्पा समुदायको कथा भन्छ । फिल्मले मानिसको प्रेम, भावना र संस्कृतीको कुरा गर्छ ।

फिल्मलाई अब बलियो वर्ड अफ माउथको आवश्यकता छ । यसो भएको खण्डमा फिल्मको व्यापार मध्यान्नदेखि बढ्न सक्छ ।