गायक दुर्गेश थापाले आफूसँग काम गरेपछि नयाँ कलाकार पनि चर्चित हुने दाबी गरेका छन् । फिल्म ‘रंगी’को नयाँ गीत रिलिज कार्यक्रममा पुगेका दुर्गेशले गायिका सुजता केसीको बारेमा यसो भनेका हुन् ।
उनले भने–‘पहिले पनि उहाँले गीत गाउनु हुन्थ्यो । तर, अहिलेसम्म चिनिनु भएको थिएन । तर, अब त चिनिनु पर्यो नी । दुर्गेशसँग काम गरेपछि चिनिएन भने त कसरी मेरो ब्रान्ड हुन्छ र ?’
दुर्गेशले आफूसँग काम गरेपछि कोही पनि सुपरहिट हुने दाबी गरेका छन् । साथै, गायक थापाले नायक पल शाहसँग आफ्नो कुनै पनि दुश्मनी नरहेको प्रष्ट पारेका छन् । दुर्गेशले भने–‘म कसैसँग नराम्रो नै छैन । मलाई कसैसँग नराम्रो हुनु पनि छैन । जीवनमा सबैले दुख गर्ने हो । सबैले आ आफ्नो खाने हो ।’
दुर्गेशले पलसँग सहकार्य गर्न तयार भएको बताए । आफूहरु दुबैलाई सुहाउने गीत आयो भने सहकार्य गर्न आफूहरु तयार रहेको उनको भनाई थियो । यति सानो क्षेत्रमा झगडा गरेर काम नहुने उनको भनाई छ ।
गायक थापाले पछिल्लो समयमा नेपाली फिल्मका गीतसंगीतमा पनि पाइला चालिरहेका छन् । उनका गीतहरुले दर्शकको माया पनि पाइरहेको छ । यसैले, दुर्गेश फिल्मका गीत चल्न थालेपछि झनै उत्साहित देखिएका छन् ।
प्रतिक्रिया