‘जेरी अन टप’मा अनमोलको एक्सन

नायक अनमोल केसीले कमै मात्र एक्सन फिल्ममा काम गरेका छन् । उनले, एक्सन गरेका फिल्मको व्यापार फेरि गतिलो छैन । अनमोलले ‘कृ र छड्के २’मा एक्सन गरेका थिए । दुबै फिल्मले बक्स अफिसमा खासै गतिलो व्यापार गरेनन् । ‘छड्के २’मा अनमोलले गरेको एक्सनको त ट्रोल नै धेरै भयो ।

तर, नेपाली फिल्म क्षेत्र एक्सनमा फर्किएको छ । पछिल्लो समय समीर भट्ट, प्रदीप खड्का, पल शाह जस्ता नायकहरु एक्सनमा रमाउन थालेका छन् । यसैले, अनमोललाई पनि एक्सन गर्नुपर्ने वाध्यता आइलागेको छ ।

नायक अनमोल केसीले फिल्म ‘जेरीः अन टप’मा काम गरिरहेका छन् । यो फिल्म रोमान्टिक कथामा छ । फिल्ममा दुई नायिकासँग अनमोलको रोमान्स हेर्न सकिन्छ । तर, फिल्ममा अनमोलको एक्सन पनि छ ।

नायक अनमोल केसीले प्रतिक्रिया दिदै भने–‘फिल्ममा एक्सन पनि छ । तर, यस्तो एक्सनको अहिलेसम्म नेपाली फिल्ममा प्रयोग गरिएको छैन ।’

प्रेम, मित्रतासँगै एक्सनलाई पनि फिल्ममा प्राथमिकता दिइएको वुझ्न सकिन्छ । यसले, दर्शकहरुमा फिल्मलाई लिएर कौतुलहता बढाउने देखिएको छ ।

सुयोग गुरुङको निर्देशनमा तयार भइरहेको फिल्ममा भुवन केसी, केदार घिमिरे, आँचल शर्मा, जसिता गुरुङ लगायतका कलाकारहरुको पनि अभिनय छ ।