फिल्म ‘ताण्डवम्’को पोस्टर सार्वजनिक गर्दै प्रदर्शन मिति पनि तय गरिएको छ । जुनिम गहतराजको निर्देशनमा तयार भएको यो फिल्मलाई अब फागुनको ९ गतेबाट रिलिज गर्ने पक्का गरिएको छ ।
सार्वजनिक पोस्टरमा फिल्मका मुख्य कलाकारहरु क्यारेक्टर लुक्समा देखिएका छन् । पोस्टरमा पुष्कर गुरुङ, प्रेम सुब्बा, सरिना मगर, अंकित खड्का, अनोज पाण्डे र जुनिम गहतराज, कमल कार्की, गोपाल कटुवाललाई देख्न सकिन्छ ।
फिल्मबाट कलरिष्ट जुनिमले निर्देशनमा डेब्यू गरेका हुन् । फिल्मको नाम जस्तै यसको धार्मिक कनेक्सन पनि रहेको निर्माणपक्षले बताएको छ ।
एक नव दम्पत्तीले आफ्नो सन्तानको स्वागत गरिरहँदा उनीहरुको जीवनमा घट्ने अकल्पनिय घटनामा यो फिल्म बनेको छ ।
सिंहदेवी प्रोडक्सनको ब्यानरमा निर्माण भएको यो फिल्ममा धनकुमारी गहतराज, सविना मगर र मनिष गौतमको लगानी छ ।
हरि घलेको छायांकन रहेको फिल्ममा सम्राट बस्नेतको एक्सन निर्देशन, सुशान्त गौतमको संगीत छ । फिल्मको कथा, पटकथा तथा संवाद अनिरुद्ध आत्रेय र हुसेनले लेखेका हुन् ।
प्रतिक्रिया