‘जुना’को टिजरमा के छ ?

दर्शकलाई रुवाएको फिल्म ‘जुना’को टिजर सार्वजनिक गरिएको छ । माघको २५ गतेबाट रिलिजमा आउन लागेको यो फिल्मको टिजरमा छोरीको पीडा छ ।

बाल बिबाहको कथामा निर्माण भएको फिल्मले विभिन्न ठाउँका दर्शकलाई रुवाएको छ । यो फिल्मको च्यारेटी शोमा दर्शक बेहोस भएर अस्पताल भर्ना गर्नु परेको निर्माणपक्षले बताएको छ ।

दीपक प्रसाद घिमिरेको निर्माणमा तयार भएको यो फिल्ममा जीवन सेन्चुरीको निर्देशन छ । यो फिल्ममा अस्मिता ढकाल, कृष्ण प्रसाद धिताल, देशभक्त खनाल र रश्मी भट्टको मुख्य भूमिका छ । फिल्मको टिजरमा सानो उमेरमै छोरीको बिहे गर्दा उसले पाउने दुख, पीडाको कथालाई देखाइएको छ ।

रामेश्वर हुमागाँइको छायांकन रहेको यो फिल्मलाई एउटा अभियानको रुपमा अगाडि सारिएको निर्माणपक्षले बताएको छ ।