नायिका आँचल शर्माले अभिनय गरेको फिल्म ‘दुखी आत्मा’ फागुनको २ गतेबाट रिलिजमा आउँदैछ । यो फिल्ममा उनले नायक दयाहाङ राइसँग रोमान्स गरेकी छिन् ।
फिल्मको टिजर सार्वजनिक भएपछि आँचलको चर्चा भइरहेको छ । फिल्मलाई सुरुवातमै एडल्ट ड्रामामा आधारित भनिएको छ । फिल्मको एउटा संवाद निकै चर्चामा छ । जहाँ, आँचलको शरीरका विभिन्न अंगहरुको दयाले तारिफ गरेका छन् । सामाजिक संजालमा अहिले ‘जुनार’ हिट छ । यही फिल्ममा आँचलको शरीरको अंगको बर्णन गर्ने क्रममा ‘जुनार’ पनि समावेश छ ।
कतिपयले त आँचलको शरीरलाई संवाद भनेका विभिन्न वस्तु र फलफूल अनुसार डिजाइन गरेर ट्रोल पनि गरिरहेका छन् ।
यसलाई आफूले निकै रमाइलो तरिकाले लिएको आँचलको भनाई छ ।
फिल्म ‘जेरीः अन टप’को छायांकनमा रहेकी आँचलले आफूले यी सबै कुराहरु हेरेर रमाइलो मानिरहेको बताइन् ।
उनले भनिन्–‘यो नायिका आँचल शर्माको शरीरको चर्चा भन्दा पनि अनामिका भन्ने पात्रको चर्चा छ । अहिले यसको बजारमा चर्चा छ । मलाई खुशी लागिरहेको छ ।’
आँचलले दर्शकको क्रियशनलाई देखेर पनि आफू उत्साहित भएको बताइन् । दीपेन्द्र लामाको निर्देशनमा बनेको यो फिल्मलाई हिमाल कडरियाले निर्माण गरेका हुन् । फागुनको २ गतेबाट यो फिल्म रिलिजमा आउँदैछ ।
प्रतिक्रिया