काठमाडौं । चर्चित डान्सर समूह कार्टुन्ज क्रूले निर्माण गरेको वेब–सिरिज ‘अन्तिम यात्रा : द लास्ट ट्रिप’लाई युट्युबबाट हटाइएको छ । छायांकन भएको लोकेसनका व्यक्तिहरूको विरोधपछि प्लाटफर्मबाट हटाइएको निर्माता सरोज अधिकारीले बताएका छन् ।
कार्टुन्ज क्रूको युट्युब च्यानलबाट भिडियो सन्देश जारी गर्दै उनले सिरिजका कतिपय दृश्य र संवादले स्थानीयलाई पर्न गएको चित्त दुःखाइप्रति माफी मागेका छन् । उनले विवादित कन्टेन्ट हटाएर पुनः अपलोड गर्ने समेत उल्लेख गरेका छन् ।
अधिकारीका अनुसार काठमाडौंको एक कलेजमा छायाङ्कन गरिएको यो सिरिजका केही दृश्य र संवादप्रति कलेजले नै विरोध गरेको थियो । विवादित कुरा हटाएर केही दिनमा सिरिज पुनः दर्शकमाझ आउने जनाइएको छ । मुलुककै पहिलो जम्बी सिरिजको रूपमा चर्चा गरिएको सिरिजको पहिलो भाग गत शनिबार स्ट्रिमिङ भएको थियो ।
प्रतिक्रिया