प्रदिप र राजवल्लभको टकरावका ‘एक्टर–१’को ट्रेलर

फिल्म ‘एक्टर–१’ माघको १६ गतेबाट रिलिजमा आउँदैछ । यो फिल्मको ट्रेलर आज रिलिज गरिएको छ । अब, फिल्म रिलिज हुन १२ दिन मात्र बाँकी छ ।

मोती कार्की क्रियटिभ प्रोड्यूसर रहेको फिल्मलाई राजन भुषालले निर्देशन गरेका हुन् । थमनकुमार भण्डारी निर्माता रहेको फिल्ममा अनिष भुसालको लगानी छ ।

यो फिल्ममा प्रदिप खड्का, राजवल्लभ कोइराला, आना शर्मा, दिव्या रायमाझी, दिव्य देव, सुशिल सिटौला, उषा रजक लगायतका कलाकारहरुको अभिनय छ ।

राजन भुषाल र आकाश बरालको पटकथा रहेको यो फिल्ममा किरणको कोरियोग्राफी, हर्कुलस बस्नेत, रोहित शाक्य र एलिस कार्कीको संगीत, नरेन्द्र मैनालीको डीओपी, निमेष श्रेष्ठको सम्पादन छ ।

फिल्मको ट्रेलरमा सस्पेन्सलाई बढी स्थान दिइएको छ । नाम सुन्दा अर्कै र ट्रेलर हेर्दा अर्कै खालको कथा दर्शकले महशुश गर्न सक्ने देखिन्छ । फिल्ममा कलाकार निश्चल बस्नेत पनि छन् । उनको भूमिका के हो खासै खुलाइएको छैन ।