दुई स्थानबाट जुवातास खेलिरहेको आरोपमा १३ जना पक्राउ

काठमाडौँ- भक्तपुर र काठमाडौँमा जुवातास खेलिरहेको आरोपमा १३ जना पक्राउ परेका छन्। बुढानीलकण्ठ नगरपालिका ८ भंगाल बस्ने मिलन शाहको टहरामा शनिबार साँझ जुवातास खेलिरहेको अवस्थामा मिलन शाह सहित ७ जना पक्राउ परेका छन्। प्रहरीले ५५,४०२ रुपैयाँ नगद र ६ बुक तास सहित उनीहरूलाई पक्राउ गरेको हो। प्रहरी वृत्त महाराजगंज बाट खटिएको प्रहरी टोलीले पक्राउ गरेका थिए।

भक्तपुर नगरपालिका १ चुनदेबीस्थित नरबहादुर खड्काको आरबिके सप्लायर्समा जुवातास खेलिरहेको अवस्थामा ६ जना पक्राउ परेका छन्। सिन्धुली कमलामाई नगरपालिका ७ घर भएका ५२ वर्षीय ओमबहादुर जोगी समेत ६ जनालाई प्रहरीले नगद ४४,६०० रुपैयाँ र १ बुक तास सहित पक्राउ गरेको हो।

जिल्ला प्रहरी परिसर भक्तपुर बाट खटिएको टोलीले यी ६ जनालाई पक्राउ गरेको हो।