झापामा अटोरिक्सा र जिपको भिडन्त, एक जनाको मृत्यु

काठमाडौँ- घटना हुने स्थान बुद्धशान्ति गाउँपालिका ४ हापेन चोक, झापा रहेको छ । अटोरिक्सा प्र १–०१–००१ ज३६३० र जिप ९प्र १–०१–००१ ज ३८५१० आपसमा ठोक्किएका छन्। अटोरिक्सा चारआलीबाट इलामतर्फ गइरहेको जिपसँग भिड्दा दुर्घटना भएको हो।

अटोरिक्सामा सवार २७ वर्षीया अमृता तामाङको दुर्घटनामा मृत्यु भएको छ। जिप चालक ४० वर्षीय दिलकुमार थामी मेचीनगर नगरपालिका–१२ का हुन् ।अटोरिक्सामा सवार २१ वर्षीया कृतिका तामाङ र ४१ वर्षीया मञ्जु तामाङ घाइते भएका छन्। घाइते सबैलाई सिटी अस्पताल बुधबारेमा उपचार भइरहेको छ।

अटोरिक्साका चालक ५३ वर्षीय अजय मोक्तानलाई प्रहरीले नियन्त्रणमा लिई थप अनुसन्धान गरिरहेको छ।