निर्देशक सरोज पौडेलको निर्देशनमा तयार हुन लागेको फिल्म ‘कोशेढुंगा’मा नायिका नीति शाहको प्रवेश भएको छ । यस्तै, फिल्ममा कलाकार प्रविण खतिवडाले पनि काम गर्ने पक्का भएको छ ।
यो फिल्मका लागि नायक प्रकाश सपुतलाई अफर गरिएको थियो । तर, सपुतले समय नभ्याएपछि प्रविणले काम गरेको वुझिएको छ ।
फिल्ममा नायक आर्यन सिग्देल र नायिका सुरक्षा पन्तले काम गर्ने पहिले नै पक्का भइसकेको थियो । फिल्मको थिम पोस्टरमा एक जना महिला उभिएकी छिन् । तर, ती महिला को हुन् भन्ने खुलेको छैन । सामाजिक कथामा निर्माण हुन लागेको यो फिल्मले अभाव, अग्लो सपना र संघर्षको कथा भन्ने निर्माणपक्षले बताएको छ ।
यो फिल्मलाई पनि ‘पूर्ण बहादुरको सारङ्गी’ जस्तै दर्शकले मन पराउने विश्वास निर्माणपक्षको छ । फागुनको २ गतेबाट यो फिल्मको छायांकन सुरु हुनेछ । फिल्मलाई आउँदो बर्ष रिलिज गर्ने जानकारी निर्माणपक्षले दिएको छ ।
नरदेवी फिल्मस्को प्रस्तुतिमा तयार हुन लागेको फिल्ममा प्रेविल कँडेल र हरि महत्तको लगानी छ । दिनेश खड्का फिल्मका कार्यकारी निर्माता हुन् । बाबु श्रेष्ठको डीओपी रने फिल्ममा सुरेन्द्र पौडेलको सम्पादन रहनेछ । फिल्ममा रिदम कँडेल र आशिष अविरलको संगीत रहनेछ ।
प्रतिक्रिया