गुल्मीको मरभुङ्ग गाउँमा पुरुष मृत फेला

काठमाडौँ- गुल्मीको मालिका गाउँपालिका–८ मरभुङ्गमा ६० वर्षीय लालबहादुर रोका मृत अवस्थामा फेला परेका छन्। जिल्ला प्रहरी कार्यालय गुल्मीका प्रमुख एसपी राजन भुजेलले घटनाबारे अनुसन्धान जारी रहेको बताए।

प्रारम्भिक अनुसन्धानका क्रममा मृतक हत्या भएको आशंका गरिएको छ। मृतकका छोरा २८ वर्षीय डम्बर बहादुर रोकालाई सोधपुछका लागि प्रहरीले नियन्त्रणमा लिएको छ। घटनाबारे थप विवरण आउन बाँकी रहेको र अनुसन्धान जारी रहेको प्रहरीले जनाएको छ।