भारतको मुजफ्फरपुरमा ९ वर्षीया बालिकाको पेटबाट कपालको ठूलो डल्लो निकालियो

काठमाडौँ- भारतको बिहार राज्यको मुजफ्फरपुर जिल्लामा एक चिकित्सकीय चमत्कारको घटना घटेको छ, जहाँ डाक्टरहरूले एक ९ वर्षीया बालिकाको पेटबाट एक किलो कपालको डल्लो निकालेका छन्। शल्यक्रिया दुई घण्टासम्म चलेको थियो, र यसले चिकित्सकहरूलाई आश्चर्यचकित पारेको छ।

यो बालिका तीन वर्षको उमेरदेखि कपाल टिपेर खाने बानी गरेकी थिइन्। सुरुमा टाउकोको कपाल उखेलेर खाने यस बानीको बारेमा परिवारलाई थाहा थियो र उनीहरूले बालिकालाई सम्झाइ बुझाइ गर्ने प्रयास गरेका थिए। तर, बालिकाको यो बानी बढ्दै गयो र कपाल खाइरहेकी थिइन्। १५ दिन अगाडि पेट दुख्न थालेपछि बालिकाले खान र पिउन छोडिन्, र वान्ता गर्न थालिन्।

डाक्टरको सल्लाह र शल्यक्रिया
पेट दुखेको कारणले बालिकालाई अस्पतालमा पुर्याइएको थियो। निजी अस्पतालमा थाहा भयो कि बालिकाको पेटमा कपाल भएको छ। डाक्टरहरूको सल्लाह अनुसार, परिवारले बालिकालाई सरकारी अस्पतालमा लगेर शल्यक्रिया गराएका थिए। अपरेसनपछि पेटबाट झन्डै एक किलोको कपालको डल्लो बाहिर निस्कियो।

डाक्टरहरूले बालिकालाई ट्राइकोटिलोमेनिया नामक मानसिक रोग भएको बताएको छ। यस रोगमा, व्यक्तिले आफ्नो कपाल उखेलेर फ्याँक्ने, आँखी भौँ वा शरीरको अन्य भागका कपाल उखेलेर खान्छन्। यो कपाल शरीरमा पच्दैन र पेटमा जमेर कपालको डल्लो बनाउँछ। यसरी कपाल खाने बानीले पेटमा गाँठो जस्तो संरचना बनाउँछ, जसको परिणामस्वरूप शल्यक्रिया गर्नुपर्छ।