फिल्म ‘पूर्ण बहादुरको सारङ्गी’ रिलिज अगाडि नै कलाकार विजय बराल कमेडी शो ‘कमेडी दरबार’मा जोडिएका थिए । यो शोमा उनी व्यस्त भइरहँदा फिल्मले पनि व्यापारिक रुपमा नयाँ रेकर्ड राख्यो ।
आजको दिनमा उनको हातमा फिल्म नै फिल्म छ । यसैले, अब उनले ‘कमेडी दरबार’ छाड्ने भएका छन् । विजयले यसै साता उनका लागि अन्तिम शोजको छायांकन गर्दैछन् ।
यसपछि उनी फिल्म ‘जनै हराएको बाहुन’मा व्यस्त हुनेछन् । विजयले मण्डला थिएटरको काममा पनि आफू व्यस्त हुने बताएका छन् ।
विजयले आफू अहिले फिल्म ऐतिहासिक रुपमा ब्लकबस्टर भएपनि सामान्य अवस्थामा आइपुगेको बताएका छन् । नर्मल भइएन भने करिअर जता पनि जान सक्ने वुझाई उनको छ ।
विजयले आफूले यो खुशीलाई सामान्य रुपमा लिएको तर्क गरे । विजयलाई आजका दिनमा मुख्य भूमिकाका लागि अफर आउन थालेको छ । कुनै बेलामा उनलाई अन्य कलाकारहरुको साइडमा बढी अफर आउथ्यो ।
विजय आफूलाई आज क्यारेक्टरका लागि अफर आउन थालेको तर्क गर्छन् । आफूले चाहेको पनि यही र भइरहेको पनि यही भन्ने उनको भनाई छ ।
प्रतिक्रिया