निर्देशक मिलन चाम्स लभ स्टोरी कथामा फर्किएका छन् । उनले, लगातार केही फरक कथामा काम गरे । ‘गोर्खा वारियर, एन्जिला’ लगायतका फिल्ममा उनले एक्सन र बास्तविक घटना जोडे ।
अब, उनले बनाउन लागेको नयाँ फिल्मको घोषणा फ्रेबुअरी ३ मा गर्ने तयारी छ । फिल्मको कथा राजिव थापाले लेखेका हुन् ।
यो फिल्मलाई गोर्खा फिल्मस्को प्रस्तुति र चाम्स इन्टरटेन्मेन्टको सहकार्यमा निर्माण गर्न लागिएको हो ।
फिल्मको छायांकन आगामी अगस्ट महिनामा लण्डन र नेपालमा गरिने निर्माणपक्षले बताएको छ ।
यो फिल्मको बिषयमा अहिले केही पनि जानकारी दिइएको छैन । मिलन चाम्सले ‘लिलिबिली, वर एण्ड वधु, विर विक्रम, विर विक्रम २’ जस्ता लभ स्टोरी फिल्म बनाइसकेका छन् ।
मेकिङमा निकै नै ध्यान दिने मिलनको यो नयाँ प्रोजेक्ट पनि विशेष हुने बताइएको छ ।
प्रतिक्रिया